EducationUSA Հայաստան խորհրդատվական կենտրոն

ԱՄՆ պետքարտուղարության կողմից հովանավորվող EducationUSA հայաստանյան գրասենյակը պատկանում է աշխարհում գոյություն ունեցող հարյուրավոր խորհրդատվական կենտրոնների ցանցին: Կենտրոնը դիմորդներին և ուսանողներին տրամադրում է ճշգրիտ, բազմակողմանի և արդի տեղեկատվություն՝ ԱՄՆ-ում քոլեջներ ևհամալսարաններ ընդունվելու գործընթացի վերաբերյալ: Կենտրոնի բոլոր ծառայությունները՝ ներառյալ թեստերին պատրաստվելու համար գրադարանից գրքեր տրամադրելը, անհատական խորհրդատվությունները, դասախոսությունները, աշխատաժողովները, փորձնական թեստերի հանձնումը, խմբակային խորհրդատվությունները և տարածաշրջանային այցելությունները տրամադրվում են անվճար:

EducationUSA հայաստանյան գրասենյակը հիմնադրվել է 1992թ.: Կենտրոնը ղեկավարվում է Միջազգային կրթության ամերիկյան խորհուրդներ կազմակերպության կողմից:

Կենտրոնը բաց է երկուշաբթիից ուրբաթ` ժամը 10:00-18:00-ը յուրաքանչյուրի համար` անկախ տարիքից ու կրթությունից: EducationUSA հայաստանի ֆեսբուքյան էջը հասանելի է ինչպես հարցեր ուղղելու, այնպեսև հետևելու ԱՄՆ կրթական համակարգին վերաբերող նորություններին և տեղեկանալու գալիք միջոցառումների մասին:

Մատուցվող Ծառայությունները 

Դասախոսություններ, աշխատաժողովներ, վեբինարներ

• ԱՄՆ-ի կրթական համակարգը, ընդունելության կարգը

• Ինչպես գրել նպատակների հիմնավորման և ընդունելության էսսե-շարադրություն,

• Ստանդարտացված թեստերի վերաբերյալ դասախոսություն՝ TOEFL, IELTS, SAT, GRE, GMAT

• Վեբինար-զրույցներ ԱՄՆ համալսարանների ներկայացուցիչների հետ

• Մինչմեկնման կողմնորոշիչ միջոցառում Ամերիկայի Միացյալ Նահանգներում բուհեր ընդունված ուսանողների համար

Գալիք միջոցառումների հայտարարություններին կարող եք ծանոթանալ Ֆեյսբուքյան մեր էջում կամ բաժանորդագրվելով EducationUSA Հայաստանի նորություններին:

Խորհրդատվություն

Խորհրդատվություն տրվում է նրանց, ովքեր ցանկանում են մանրամասն տեղեկություններ ստանալ ամերիկյան քոլեջներ, համալսարաններ դիմելու գործընթացի վերաբերյալ: Խորհրդատվության օր և ժամ ամրագրելու համար խնդրում ենք զանգահարել մեր գրասենյակ 010 56 00 45,  54 40 15,   54 40 12 կամ նամակ գրել ֆեյսբուքյան մեր էջին։ 

Գրադարան

• TOEFL, IELTS, SAT, ACT, GRE, GMAT, LSAT, USMLE թեստերի տեղեկագրքեր

• Քոլեջների կատալոգներ, տեղեկատվական ձեռնարկներ տարբեր մասնագիտական առարկաների վերաբերյալ

• Բակալավրիական և մագիստրոսական ծրագրերին վերաբերող ուղեցույցներ

Գրադարան մուտք ունենալու համար խնդրում ենք հետևել ստորև ներկայացված հրահանգներին՝

Դուք միայն պետք է

- Ստեղծեք ձեր ԱՆՎՃԱՐ հաշիվը Librarika- ում

- Ուղարկեք EducationUSA գրադարանի մուտք ունենալու հարցում

- Գտնեք ձեր նախընտրած գիրքը

- Պատվիրեք

- Այցելեք գրասենյակ գիրքը վերցնելու համար

Librarika համակարգը օգտագործելու մասին լրացուցիչ տեղեկություն ստանալու համար այցելեք այստեղ՝ https://bit.ly/3ds3oQ4