Title VIII Կրթաթոշակներ գիտահետազոտողների համար

Title VIII Կրթաթոշակներ գիտահետազոտողների համար ծրագիրը դրամաշնորհներ է տրամադրում արտասահմանում հումանիտար և սոցիալական գիտությունների ոլորտում անկախ, քաղաքականությանը վերաբերող հետազոտությունների, ինչպես նաև լեզուների ուսուցման համար:

Ամերիկյան խորհուրդների վաշինգտոնյան գրասենյակը մի շարք հնարավորություններ է ընձեռում այն օտարերկրյա գիտնականներին և հետազոտողներին, ովքեր հետաքրքված են ուսումնասիրել հայոց լեզուն կամ հետազոտություն անցկացնել Հայաստանում: Հայաստանում ծրագիրը իրականացնում է Ամերիկյան խորհուրդների երևանյան գրասենյակը:

Կրթաթոշակներ գիտահետազոտողների համար

Ամերիկյան  խորհուրդների՝ հետազոտող գիտնականների ծրագիրը, որը ֆինանսավորվում է ԱՄՆ-ի Պետքարտուղարության կողմից Արևելյան Եվրոպայում և նախկին Սովետական Միության անկախ պետություններում իրականացվող հետազոտման և վերապատրաստման ծրագրի շրջանակներում, աջակցում է բուհերի շրջանավարտներին, դասախոսներին և գիտնականներին, ովքեր հետաքրքված են 3-9 ամիս անկախ հետազոտություն անցկացնել Կենտրոնական Ասիայում, Մոլդովայում, Ռուսաստանում, Հարավային Կովկասում, Հարավարևելյան Եվրոպայում և Ուկրաինայում: