ԱՄՆ կառավարության կողմից ֆինանսավորվող փոխանակման ծրագրերի սիրելի շրջանավարտներ,  

Սիրով հայտնում ենք, որ ընդունվում են Շրջանավարտների ամենամյա մրցանակաբաշխության թեկնածուների առաջադրման 2024թ.-ի հայտերը։ Մրցանակաբաշխությունը  կազմակերպվում է  ԱՄՆ կառավարության` Շրջանավարտների ներգրավման և աջակցման ծրագրի կողմից՝ շրջանավարտների խորհրդատվական հանձնաժողովի օգնությամբ և ԱՄՆ-ի Հայաստանում դեսպանության ֆինանսավորմամբ: 

ԱՄՆ կառավարության`  Շրջանավարտների ամենամյա մրցանակաբաշխությանը  կարող են մասնակցել այն ականավոր, առաջընթաց գրանցող և առաջնորդ շրջանավարտները, ովքեր նշանակալի ներդրում են ունեցել Հայաստանում` բարեփոխումներ ապահովելով  տարբեր ոլորտներում, մասնավորապես` 

• Համայնքային ծառայություն.  գնահատում է այն շրջանավարտներին, ովքեր իրականացրել են համայնքային ծառայությունների վերաբերյալ նախագծեր, կամավորական աշխատանքներ, հանդես են եկել կրթական և սոցիալական նախաձեռնություններով։   

• Նորարարություն. ողջունում է այն  շրջանավարտներին, ովքեր նորարարություն են մտցրել  որևէ ոլորտում՝ ցուցաբերելով նշանակալի ձեռքբերումներ: 

• Արվեստ և մշակույթ. գնահատում է անձանց, ովքեր ակտիվորեն նպաստել են են հայկական մշակույթի զարգացմանը, մշակութային ժառանգության և արժեքների պահպանմանը տեղական կամ համաշխարհային մակարդակում:  

• Գործարարություն և բիզնես. ողջունում է  շրջանավարտներին, ովքեր ցուցաբերել են բացառիկ բիզնես հմտություններ և որևէ ոլորտում դրսևորել հաջողության հասած նախաձեռնություններ։ 

• Գերազանցություն STEM-ում. ողջունում է նրանց, ովքեր նշանակալի ներդրում են կատարել գիտության, տեխնոլոգիաների, ինժեներիայի և մաթեմատիկայի ոլորտներում:

Թեկնածուների համապատասխանության չափանիշները 

1. Թեկնածուները պետք է լինեն ԱՄՆ կառավարության փոխանակման ծրագրերի շրջանավարտներ։ 

2. Թեկնածուների գերազանցությունը, որևէ ոլորտում նշանակալի ձեռքբերումներն և ներդրումները պետք է  փաստագրված ու հիմնավորված լինեն ։   

3. Թեկնածուների աշխատանքները պետք է նշանակալի և չափելի ազդեցություն ունեցած լինեն իրենց համայնքի, արդյունաբերության կամ հասարակության առավել լայն շերտերի համար: 

4. ​​Թեկնածուները պետք է ցուցադրած լինեն առաջնորդական և/կամ նորարարական որակներ`   ​համայնքային ծառայության, պրոֆեսիոնալ աշխատանքի կամ մշակութային խթանման միջոցով: 

Թեկնածուները պետք է ցու​յ​ցաբերեն շարունակական հանձնառություն իրենց ոլորտին կամ գործին՝ ոչ թե մեկանգամյա ձեռքբերմամբ, այլ շարունակական ներդրումներով։  Հայտադիմումների ներկայացման պահանջները. 

1.  Հայտադիմումները պետք է լրացվեն և ներկայացվեն մինչև 2024թ-ի սեպտեմբերի 1-ը,ժամը 23:59-ը: 

2. Դիմորդները կարող են ինքնաառաջադրվել կամ նրանց կարող է աջադրել մեկ այլ շրջանավարտ: 

3. ​​Հայտերը պետք է ներկայացվեն անգլերենով: 

4. Թեկնածության նկարագրությունը պետք է ներառի. ՝ 

• Թեկնածուի` իր ոլորտի զարգացմանը նպաստած ներդրուման նկարագիրը։ 

• Թեկնածուի առանցքային ձեռքբերումները որպես քաղաքացի և պրոֆեսիոնալ։  

• Թեկնածուի` համայնքային ծառայություններին միտված ջանքերը; 

• Թեկնածուի ձեռքբերումներին ծանոթ 1-2 անձի կոնտակտային տվյալներ։:Հավելյալ աջակցող փաստաթղթեր, որոնք կարող են աջակցել հայտադիմումին  և ընդգծում են թեկնածուի ձեռքբերումներն ու ներդրումները (օրինակ՝ հոդվածներ, մրցանակներ/պարգևներ և այլն): 

  
  

  Թերի  հայտադիմումները չեն դիտարկվի գնահատման հանձնաժողովի կողմից