YTILI (Երիտասարդ տրանսատլանտյան նորարարության առաջնորդների նախաձեռնություն) ծրագրի հայտերն այժմ բաց են՝ 2025 թվականի աշնան համար!

Ուրախ ենք հայտնել, որ այժմ կարող եք դիմել Երիտասարդ Տրանսատլանտյան Նորարարության Առաջնորդների Նախաձեռնության (YTILI) 2025 թվականի աշնան ծրագրին: Այս հեղինակավոր ծրագիրը, որը ֆինանսավորվում է ԱՄՆ-ի Պետդեպարտամենտի կողմից, հնարավորություն է տալիս մասնագետներին Հայաստանից և Եվրոպայի տարբեր երկրներից՝ զարգացնելու իրենց առաջնորդական և ձեռնարկատիրական հմտությունները ԱՄՆ-ում անցկացվող հագեցած ծրագրի միջոցով:

YTILI ծրագրի շրջանակներում դուք կստանաք՝

• Վիրտուալ առաջնորդության դասընթացներ և ԱՄՆ-ում անցկացվող 6 շաբաթյա փոխանակման հնարավորություն

• Ամերիկյան կազմակերպությունում հյուրընկալվելու հնարավորություն՝ մասնակցելով ձեռնարկատիրության և նորարարության նախագծերին

• Տևական տրանսատլանտյան կապեր հաստատելու հնարավորություն

• Ծրագրի ամբողջական աջակցություն, ներառյալ՝ ճանապարհորդական և առողջապահական ծախսերի ապահովում

Ծրագրին դիմելու պահանջներն են՝
✔️ Տարիք՝ 25-35
✔️ Հայաստանի քաղաքացիություն
✔️ Առնվազն երկու տարվա մասնագիտական փորձ
✔️ Անգլերենի գրավոր և բանավոր իմացություն

Դիմումները բաց են մինչև 2024 թվականի դեկտեմբերի 5-ը:

Մի՛ կորցրեք այս եզակի հնարավորությունը՝ զարգացնելու ձեր հմտությունները, ընդլայնելու ձեր մասնագիտական ցանցը և ձեր համայնքին բերելու նորարար գաղափարներ:

Լրացուցիչ տեղեկությունների և դիմելու համար այցելեք www.ytili.org։