Միջազգային Համայնքային Զարգացման Մրցանակ
«Երիտասարդների հզորացումը ձեռներեցության միջոցով» արժանացել է Միջազգային Համայնքային Զարգացման Մրցանակի
Երևան, Հայաստան – Թբիլիսի, Վրաստան - «Երիտասարդների հզորացումը ձեռներեցության միջոցով» ծրագիրը, որը ֆինանսավորվել է Վրաստանում և Հայաստանում ԱՄՆ դեսպանատների կողմից, իրականացվել է Ամերիկյան Խորհուրդների կողմից՝ համագործակցությամբ Նեբրասկայի Լինքոլնի Համալսարանի 4-H/Extension-ի, Վրաստանի Քաղաքացիական Ներգրավվածության Կենտրոնների Ցանցի (NCCE), և USG Alumni Armenia-ի հետ: Ծրագիրը արժանացել է ԱՄՆ Համայնքային Զարգացման Ընկերության Միջազգային Համայնքային Զարգացման Մրցանակին: Այս բարձրագույն մրցանակը գնահատում է ծրագրի նշանակալի ներդրումը ձեռներեցության, տնտեսական աճի և կայուն համայնքային զարգացման խթանման գործում 10-14 տարեկան երիտասարդների շրջանում Հայաստանում և Վրաստանում:
Լուսանկարների կոլաժ՝ Հայաստանում ձեռներեցության ծրագրից
Ծրագիրը, որի նպատակն է հզորացնել երիտասարդներին ձեռներեցության ուսուցման և դրական երիտասարդական զարգացման (PYD) միջոցով, օգտագործել է Նեբրասկա 4-H/Extension-ի «Ձեռնարկատիրության Ուսումնասիրություն» (ESI) ծրագիրը, որը մասնակիցներին ուղղորդել է սեփական ձեռնարկումներ հիմնելու գործընթացում: Գաղափարներն իրականություն դարձնելու համար անհրաժեշտ գործիքներն ու ռեսուրսները տրամադրելով՝ նախաձեռնությունն ստեղծել է նոր տնտեսական հնարավորություններ ապագա առաջնորդների համար:
«Այս մրցանակը վկայությունն է Հայաստանի և Վրաստանի երիտասարդ առաջնորդների և ձեռներեցների ստեղծագործական հմտությունների և ճկունության, ովքեր ապացուցել են, որ ճիշտ աջակցության դեպքում կարող են դրական փոփոխություններ իրականացնել իրենց համայնքներում», - ասել է Ամերիկյան Խորհուրդների Հայաստանյան գրասենյակի տնօրեն Դեյգըն Վալենթայնը: «Մենք պատիվ ունենք ընդունել այս մրցանակը Համայնքային Զարգացման Ընկերության կողմից և պատրաստ ենք շարունակել մեր ջանքերը՝ երիտասարդներին հզորացնելու ձեռներեցության միջոցով»:
Համայնքային Զարգացման Ընկերության Միջազգային Համայնքային Զարգացման Մրցանակը տրվում է ամեն տարի այն նախաձեռնություններին, որոնք ցույց են տալիս օրինակելի միջազգային համագործակցություն և ունեն երկարատև ազդեցություն համայնքների վրա ամբողջ աշխարհում: Մրցանակաբաշխության արարողությունը տեղի է ունեցել Նեբրասկա նահանգի Օմահա քաղաքում՝ հուլիսի 14-17-ին, որտեղ ծրագրի ներկայացուցիչները ներկայացրել են ծրագրի հաջողությունները և ապագա ծրագրերը՝ դրա ազդեցության ընդլայնման ուղղությամբ:
Ծրագրի իրականացման վայրերը և USG Alumni ծրագրի ներգրավվածությունը
«Երիտասարդների հզորացումը ձեռներեցության միջոցով» ծրագրի մասին
Ծրագիրը կենտրոնացած է 10-14 տարեկան երիտասարդներին ձեռնարկատիրական հմտություններով զինելու վրա՝ օգտագործելով Նեբրասկա 4-H-ի «Ձեռնարկատիրության Ուսումնասիրություն» (ESI) ուսումնական ծրագիրը՝ համայնքի կարիքներին լուծումներ գտնելու համար՝ խթանելով կայուն զարգացումը Հայաստանում և Վրաստանում: Այն աջակցել է հարյուրավոր երիտասարդ ձեռներեցների հաջողությամբ ձեռնարկություններ հիմնելու, տնտեսական կայունությունը խթանելու և համայնքային ներգրավվածությունը բարձրացնելու գործում:
Ամերիկյան Խորհուրդների մասին
Ամերիկյան Խորհուրդները միջազգային կրթության, ակադեմիական փոխանակման և օտար լեզուների ուսուցման ոլորտում առաջատար կազմակերպություններից է: Այն խթանում է միջմշակութային փոխըմբռնումը և հնարավորություն է տալիս անհատներին օգտվել կրթական ծրագրերից, որոնք ընդգրկում են ավելի քան 85 երկիր:
Նեբրասկա-Լինքոլնի Համալսարանի 4-H/Extension-ի մասին
Նեբրասկա-Լինքոլնի համալսարանը պարտավորվում է մատուցել գիտահետազոտական կրթություն և աջակցել համայնքներին՝ իր ծրագրերի միջոցով խթանելով նորարարությունն ու ձեռներեցությունը: Կենտրոնանալով անհատների և համայնքների հզորացման վրա՝ UNL Extension-ը նվիրված է կայուն զարգացման նախաձեռնությունների աջակցմանը թե՛ տեղական, թե՛ միջազգային մակարդակներում:
NCCE-ի մասին (Վրաստանի Քաղաքացիական Ներգրավվածության Կենտրոնների Ցանց)
Վրաստանի NCCE-ն խթանում է քաղաքացիական կրթությունը և ներգրավվածությունը՝ իր կենտրոնների ցանցի միջոցով աջակցելով առաջնորդությանը և նորարարությանը: Ակտիվ մասնակցության և ձեռներեցության համար հարթակներ ստեղծելով՝ NCCE-ն կարևոր դեր է խաղում համայնքների հզորացման և կայուն զարգացման գործում:
USG Alumni Armenia-ի մասին
USG Alumni Armenia-ն ԱՄՆ կառավարության կողմից ֆինանսավորվող փոխանակման ծրագրերի շրջանավարտներն են, ովքեր վերադառնալով Հայաստան՝ ձգտում են դրական ազդեցություն ունենալ իրենց համայնքների վրա: «Երիտասարդների հզորացումը ձեռներեցության միջոցով» ծրագրի շրջանակներում USG շրջանավարտներն աջակցել են երիտասարդ մասնակիցներին որպես մենթորներ և թրեյներներ՝ իրենց փորձը փոխանցելով ձեռնարկատիրական գործընթացում: Նրանց մասնակցությունը կարևոր է եղել տեղի երիտասարդների կարողությունների զարգացման, համայնքային զարգացման և միջմշակութային կապերի ամրապնդման գործում:
Կոնտակտային տվյալներ:
Անուշ Արսենյան
USG շրջանավարտների ծրագրի համակարգող
alumni.am@americancouncils.org
+374 (10) 54-40-12
Armenia.americancouncils.org/usg-alumni-en
Ծրագիրը ղեկավարվել է Ամերիկյան Խորհուրդների կողմից Հայաստանում և Վրաստանում, ՆCCE-ի (Քաղաքացիական ներգրավվածության կենտրոնների ցանցի) հետ համատեղ և ֆինանսավորվել է ԱՄՆ-ի դեսպանատների կողմից Հայաստանում և Վրաստանում: Այստեղ արտահայտված կարծիքները, արդյունքները և եզրակացությունները կամ առաջարկությունները պատկանում են հեղինակ(ներ)ին և պարտադիր չէ, որ արտացոլեն ԱՄՆ Պետդեպարտամենտի տեսակետները: